Sunday, April 3, 2011

ਨਵ-ਨਿਯੁਕਤ ਅਧਿਆਪਕਾਂ ਦੇ ਹਾਇਕੂ


ਪਿਛਲੇ ਦਿਨੀਂ ਨਵ-ਨਿਯੁਕਤ ਅਧਿਆਪਕਾਂ ਦੇ ਇਕ ਸੈਮੀਨਰ ਚ ਹਾਇਕੂ ਬਾਰੇ ਕੁਝ ਗੱਲਾਂ ਸਾਂਝੀਆਂ ਕੀਤੀਆਂ ਤੇ ਇਹਨਾਂ ਸਭ ਨੂੰ ਵਿਸ਼ਵ ਦੇ ਬੱਚਿਆਂ ਦੇ ਹਾਇਕੂ ਦੀ ਪੁਸਤਕ “ ਹਰੇ ਹਰੇ ਤਾਰੇ “ ਦਿੱਤੀ ਗਈ । ਇਸ ਪੁਸਤਕ ਤੋਂ ਪ੍ਰੇਰਿਤ ਹੋ ਕੁਝ ਅਧਿਆਪਕਾਂ ਨੇ ਮੌਕੇ ਤੇ ਹੀ ਹਾਇਕੂ ਰਚੇ ,ਜੋ ਤੁਹਾਡੇ ਨਾਲ ਸਾਂਝੇ ਕਰ ਰਿਹਾ ਹਾਂ :
ਤੁਰਾਂ ਤਾਂ ਤੁਰੇ
ਬੈਠਾਂ ਤਾਂ ਬੈਠੇ
ਮੇਰਾ ਪ੍ਰਛਾਵਾਂ
ਜਸਵਿੰਦਰ ਪਰਮਾਰ
ਖੂਹ ਦੀਆਂ ਟਿੰਡਾਂ
ਠੰਡਾ ਪਾਣੀ
ਨਾਲੇ ਛਾਂ
ਸੁਖਦੀਪ ਹੀਰੋਂ ਕਲਾਂ
ਲਾਲ ਸੂਹਾ ਚੂੜਾ
ਛਣ ਛਣ ਛਣਕੇ
ਦਿਲ ਧੜਕੇ
ਰਿੰਕਲ ਗੋਇਲ
ਬੋਲ ਨਾ ਸਕਿਆ
ਦੇਖ ਕੇ ਹੱਸਿਆ
ਮਨਮੋਹਨਾ ਚਿਹਰਾ
ਅਵਤਾਰ ਸਿੱਧੂ
ਅੱਜ ਮਿਲੇ
ਸਾਰਿਆਂ ਨੂੰ
ਹਰੇ ਹਰੇ ਤਾਰੇ
ਅਮਨ ਅਗਰਵਾਲ
ਅੱਖ ਖੁੱਲ੍ਹੀ
ਰੰਗ ਦਿਸੇ
ਕਲਮ ਜਾਗੀ
ਮਨਪ੍ਰੀਤ ਕੌਰ ਲੱਲੂਆਣਾ
ਗੁਰਪ੍ਰੀਤ
ਬੈਠਾ ਉਦਾਸ
ਕੌਣ ਸੁਣੇ ਕਵਿਤਾ
ਰਵਿੰਦਰ ਕੁਮਾਰ
ਬੁੱਢਾ ਨਿੰਮ
ਹਰੇ ਪੱਤੇ
ਜੋਸ਼ ਦਾ ਸੁਨੇਹਾ
ਕਮਲੇਸ਼
ਡਿੱਗਿਆ ਬੇਟੂ
ਹੰਝੂ ਦੋ
ਮਾਂ ਦੇ ਸੌ
ਰੀਤੂ
ਪੁੱਟਿਆ ਨਿੰਮ
ਡੂੰਘਾ ਟੋਆ
ਦਿਖਾਵੇ ਡੂੰਘੀਆਂ ਜੜਾਂ
ਸਪਨਾ ਬਾਂਸਲ

No comments:

Post a Comment