ਪਿਛਲੇ ਦਿਨੀਂ ਨਵ-ਨਿਯੁਕਤ ਅਧਿਆਪਕਾਂ ਦੇ ਇਕ ਸੈਮੀਨਰ ਚ ਹਾਇਕੂ ਬਾਰੇ ਕੁਝ ਗੱਲਾਂ ਸਾਂਝੀਆਂ ਕੀਤੀਆਂ ਤੇ ਇਹਨਾਂ ਸਭ ਨੂੰ ਵਿਸ਼ਵ ਦੇ ਬੱਚਿਆਂ ਦੇ ਹਾਇਕੂ ਦੀ ਪੁਸਤਕ “ ਹਰੇ ਹਰੇ ਤਾਰੇ “ ਦਿੱਤੀ ਗਈ । ਇਸ ਪੁਸਤਕ ਤੋਂ ਪ੍ਰੇਰਿਤ ਹੋ ਕੁਝ ਅਧਿਆਪਕਾਂ ਨੇ ਮੌਕੇ ਤੇ ਹੀ ਹਾਇਕੂ ਰਚੇ ,ਜੋ ਤੁਹਾਡੇ ਨਾਲ ਸਾਂਝੇ ਕਰ ਰਿਹਾ ਹਾਂ :
੦
ਤੁਰਾਂ ਤਾਂ ਤੁਰੇ
ਬੈਠਾਂ ਤਾਂ ਬੈਠੇ
ਮੇਰਾ ਪ੍ਰਛਾਵਾਂ
ਜਸਵਿੰਦਰ ਪਰਮਾਰ
੦
ਖੂਹ ਦੀਆਂ ਟਿੰਡਾਂ
ਠੰਡਾ ਪਾਣੀ
ਨਾਲੇ ਛਾਂ
ਸੁਖਦੀਪ ਹੀਰੋਂ ਕਲਾਂ
੦
ਲਾਲ ਸੂਹਾ ਚੂੜਾ
ਛਣ ਛਣ ਛਣਕੇ
ਦਿਲ ਧੜਕੇ
ਰਿੰਕਲ ਗੋਇਲ
੦
ਬੋਲ ਨਾ ਸਕਿਆ
ਦੇਖ ਕੇ ਹੱਸਿਆ
ਮਨਮੋਹਨਾ ਚਿਹਰਾ
ਅਵਤਾਰ ਸਿੱਧੂ
੦
ਅੱਜ ਮਿਲੇ
ਸਾਰਿਆਂ ਨੂੰ
ਹਰੇ ਹਰੇ ਤਾਰੇ
ਅਮਨ ਅਗਰਵਾਲ
੦
ਅੱਖ ਖੁੱਲ੍ਹੀ
ਰੰਗ ਦਿਸੇ
ਕਲਮ ਜਾਗੀ
ਮਨਪ੍ਰੀਤ ਕੌਰ ਲੱਲੂਆਣਾ
੦
ਗੁਰਪ੍ਰੀਤ
ਬੈਠਾ ਉਦਾਸ
ਕੌਣ ਸੁਣੇ ਕਵਿਤਾ
ਰਵਿੰਦਰ ਕੁਮਾਰ
੦
ਬੁੱਢਾ ਨਿੰਮ
ਹਰੇ ਪੱਤੇ
ਜੋਸ਼ ਦਾ ਸੁਨੇਹਾ
ਕਮਲੇਸ਼
੦
ਡਿੱਗਿਆ ਬੇਟੂ
ਹੰਝੂ ਦੋ
ਮਾਂ ਦੇ ਸੌ
ਰੀਤੂ
੦
ਪੁੱਟਿਆ ਨਿੰਮ
ਡੂੰਘਾ ਟੋਆ
ਦਿਖਾਵੇ ਡੂੰਘੀਆਂ ਜੜਾਂ
ਸਪਨਾ ਬਾਂਸਲ
