ਹਿੰਦੀ ਦੇ ਬਲਾਗ ਸੇਤੂ ਸਾਹਿਤਯ ਚ ਪ੍ਰਕਾਸ਼ਿਤ ਕਵਿਤਾਵਾਂ

http://setusahitya.blogspot.com/2008/10/blog-post.html

ਸ਼ਬਦਾਂ ਦੀ ਮਰਜ਼ੀ

http://www.digital.vidhapunjabi.in/gurpreet1.html

ਆਰਸੀ ਚ ਮੇਰੀਆਂ ਕਵਿਤਾਵਾਂ

http://punjabiaarsi.blogspot.com/search/label/%E0%A8%97%E0%A9%81%E0%A8%B0%E0%A8%AA%E0%A9%8D%E0%A8%B0%E0%A9%80%E0%A8%A4

ਅੰਤਰ-ਰਾਸ਼ਟਰੀ ਔਰਤ ਦਿਵਸ

ਜੈਪੁਰ ਦੀ ਚੌਖੀ ਢਾਣੀ ਚ .....

ਬਾਬਲ

    ਦੁਨੀਆਂ ਦੇ ਸਭ ਤੋਂ ਵੱਧ ਤਾਕਤਵਰ ਵਿਆਕਤੀ ਬਰਾਕ ਉਬਾਮਾ ਨੇ ਪਰਮਾਤਮਾ ਅੱਗੇ ਆਪਣੀ ਧੀ ਮਾਲੀਆ ਦੀ ਸਕੱਰਟ ਲੰਬੀ ਹੋਣ ਦੀ ਪ੍ਰਾਰਥਨਾ ਕੀਤੀ ...ਇਕ ਵਾਰ ਉਹ ਆਪਣੀ ਧੀ ਦਾ ਡਾਂਸ ਦੇਖਣ ਲਈ ਜਾ ਰਹੇ ਸਨ ਤਾਂ ਰੱਬ ਅੱਗੇ ਅਰਦਾਸ ਕਰਦਿਆਂ ਹੌਂਸਲਾ ਮੰਗਿਆ ਕਿਉਂਕਿ ਉਥੇ ਮੁੰਡਿਆਂ ਨੇ ਵੀ ਹੋਣਾ ਸੀ ... ਬਾਬਲ ਦੀ ਪੱਗ ਬਰਾਕ ਨੇ ਵੀ ਬੰਨ ਰੱਖੀ ਹੈ .... ਉਹ ਸਾਡੇ ਪੇਂਡੂਆਂ ਨਾਲੋਂ ਵੀ ਵੱਧ ਕਮਜ਼ੋਰ ਦਿਸਦਾ ਹੈ .... ਧੀਆਂ ਦੇ ਪਿਉ ਹਰ ਥਾਂ ਇਕੋ ਜਿਹੇ ਹੀ ਹੁੰਦੇ ਨੇ ?

          ਪਿਛਲੇ ਸਾਲ ਮੈਂ ਗੁਰਪ੍ਰੀਤ ਨਹੀਂ ਸੀ , ਕੋਈ ਹੋਰ ਸੀ ... ਮੇਰੀ ਤਾਂ ਸ਼ਕਲ ਹੀ ਬਦਲ ਗਈ...

ਇਹ ਮੈਂਨੂੰ ਹੁਣ ਪਤਾ ਲੱਗਿਆ ਜਦੋਂ ਮੈਂ ਨਵੇਂ ਘਰ ਚ ਨਵੀਂ ਸੈਲਫ ‘ਤੇ ਕਿਤਾਬਾਂ ਨੂੰ ਮੁੜ ਚਿਣਿਆ

ਚਿਣੀਆਂ ਕਿਤਾਬਾਂ ਨੂੰ ਮੁੜ ਪੜਨਾ ਸ਼ੁਰੂ ਕੀਤਾ । ਬੋਰੀਆਂ ਚ ਬੰਦ ਕਿਤਾਬਾਂ ਪਾਠਕ/ਲੇਖਕ ਨੂੰ

ਸਰਾਪ ਦਿੰਦੀਆਂ ਨੇ ...ਪਿਛਲੇ ਵਰ੍ਹੇ ਮੈਂ ਆਪ ਵੀ ਬੋਰੀ ਚ ਬੰਦ ਸੀ .... !

          

ਜੀ ਬੀ ਰੋਡ

ਬੁੱਢੀ ਔਰਤ
ਪੌੜੀਆਂ ਉਤਰ
ਫੁੱਟਪਾਥ ਲੰਘ
ਸੜਕ ਤੇ ਆ ਜਾਂਦੀ
ਭੁੱਖ ਲਈ ਕੀ ਨਾ ਭਾਲਦੀ

ਖਾਕੀ ਵਰਦੀ
ਕਾਲ-ਕਲੂਟੀ ਸੜਕ ਤੇ ਡੰਡਾ ਖੜਕਾਉਂਦੀ
ਰੋਟੀ ਲਈ ਰੋਟੀ ਨੂੰ ਧਮਕਾਉਂਦੀ

ਬੁੱਢੀ ਔਰਤ
ਜਵਾਲਾ- ਮੁਖੀ ਫਟ ਜਾਂਦਾ

-ਲੈ ਜਾ ਮੈਨੂੰ
ਜਿਥੇ ਲੈ ਕੇ ਜਾਣਾ
ਇਸ ਤੋਂ ਬਦਤਰ ਗੰਦੀ ਹੁੰਮਸ ਭਰੀ
ਹੋਰ ਕਿਹੜੀ ਥਾਂ !